忍者龟
吴建豪 李祥祥 两岸歌手合作唱红忍者龟 彩星玩具有九成收入都系嚟自「忍者龟」，「忍者龟」热潮大大话话都玩咗二十几三十年，既然仲有市场价值，彩星一于「食住上」，今年率领「忍者龟」进军内地市场。 执行董事杜树声仲话，为配合第二季「忍者龟」卡通片在内地播放，专登搵嚟台湾歌手吴建豪同内地新进歌手李祥祥合唱普通话主题曲，趁寻日公布业绩，顺便播埋MV畀大家先睹为快！ 佢话第一季「忍者龟」卡通片已经喺央视播出，现正就第二季卡通片进行审批同配音，不过首只「忍者龟」普通话主题曲经已录制完毕！ 首歌一开始吴建豪同李祥祥就好投入咁不停重复唱「忍者神龟，战无不胜、忍者神龟，战无不胜」，中段仲有穿插几段Rap介绍各位主角，非常Hiphop！ 听管理层话依家播紧慨「忍者龟」已经系第三代，喺画功同故事内容方面都有所提升，成功吸引欧美小朋友注目。 之但系，印象中「忍者龟」系八十年代产物，比「美少女战士」更长寿，对于呢套卡通片能够感染几代小朋友，真系觉得好不可思议！